جامع مسجد گول

مسجد گول

جامع مسجد گول ایک تاریخی مسجد ہے۔ اس میں امام الخطباء40سال خطبہء جمعہ ارشاد فرماتے رہے۔ مرکزی گول جامع مسجدغلام محمد آباد میں اہل محلہ کی خواہش پر محلہ کے بچوں کو حفظ و ناظرہ قرآن مجید پڑھانے کیلئے جامعہ قاسمیہ کی طرف سے دو اساتذہ کرام مقرر کئے گئے ہیں۔100طلباء کو نماز، تعلیم الاسلام اور حفظ و ناظرہ قرآن پاک کی تعلیم دی جاتی ہے، جس کے تمام اخراجات جامعہ قاسمیہ برداشت کرتا ہے۔
مرکزی جامع مسجد گول میں شعبہ حفظ قرآن برائے طلباء میں اعلیٰ تعلیم دی جارہی ہے۔ طلباء و طالبات کی کل تعداد500ہے۔ 200طلباء جامعہ میں مقیم ہیں۔ طلباء علوم اسلامی کی تعلیم حاصل کرکے اپنی علمی پیاس بجھا رہے ہیں۔ 300طلبہ و طالبات صبح شام پڑھ کر گھروں میں چلے جاتے ہیں۔16اساتذہ کرام قرآن و حدیث کی تعلیم دے رہے ہیں۔ طلباء کا قیام، طعام، میڈیسن، کتابیں و دیگر سہولیات مدرسہ کی طرف سے مفت فراہم کی جاتی ہیں۔

ختم نبوت اکیڈمی کے زیر اہتمام ختم نبوت اسلامک ریسرچ سنٹر جامع مسجد گول غلام محمد آباد میں تعمیر کیا گیا ہے، جس میں ختم نبوت کے عنوان پر جید علماء کرام کے لیکچرز کے ساتھ عوام الناس اور طلباء کی آگاہی کیلئے جدید فقہی اور عصری مسائل پر مباحثے منعقد کئے جاتے ہیں۔